ಹೈಪರ್ ಲೋಕಲ್ ಸಂಸ್ಥೆ ಲೋಕಲ್ ಲೆಗ್ಸ್ ಕಾರ್ಯಾಚರಣೆಯಲ್ಲಿ ಕ್ಷಿಪ್ರ ಬದಲಾವಣೆ:
ಟೀಮ್ ವೈ.ಎಸ್.
Thursday September 24, 2015,
3 min Read
ದಿನಸಿ ಹಾಗೂ ಇನ್ನಿತರೆ ಗೃಹೋಪಯೋಗಿ ವಸ್ತುಗಳನ್ನು ಮನೆ ಬಾಗಿಲಿಗೆ ತಲುಪಿಸುವ ಸೇವೆ ಭಾರತದಲ್ಲೂ ನಿಧಾನವಾಗಿ ಜನಪ್ರಿಯಗೊಳ್ಳುತ್ತಿದೆ.. 2015ರಲ್ಲಿ ಘೋಷಿಸಲ್ಪಟ್ಟಂತೆ ಸುಮಾರು 27 ರೀತಿಯ ಹೈಪರ್ ಲೋಕಲ್ ಸೇವೆಗಳಿವೆ.. 2015ರ ಸಾಲಿನಲ್ಲಿ ಮೊದಲಾರ್ಧದಲ್ಲಿ ಈ ರೀತಿಯ ಹೈಪರ್ಲೋಕಲ್ ಸೇವೆಗಳಿಗೆ ಹೂಡಿಕೆ ಮಾಡಿದ ಒಟ್ಟು ಮೊತ್ತ 135 ಮಿಲಿಯನ್ ಅಮೇರಿಕನ್ ಡಾಲರ್.. ಈ ಮಾದರಿಯ ಸೇವೆಗಳಿಗೆ ಕ್ರಮೇಣ ಬೇಡಿಕೆ ಸೃಷ್ಟಿಯಾಗುತ್ತಿರುವ ಹಿನ್ನೆಲೆಯಲ್ಲಿ, ದೊಡ್ಡ ದೊಡ್ಡ ಉದ್ಯಮಿಗಳೂ ಈ ರೀತಿಯ ಹೊ ಸುದ್ಯಮ ಆರಂಭಿಸುವತ್ತ ಆಸಕ್ತಿ ವಹಿಸುತ್ತಿದ್ದಾರೆ..
ಶೇಖರಣೆ ಹಾಗೂ ಡೆಲಿವರಿ ಸಂಬಂಧಿತ ಸ್ವಿಗ್ಗಿ, ಗ್ರೊಫರ್ಸ್, ಬಿಸಿನೆಸ್ ಟು ಕಸ್ಟಮರ್ ಸೇವೆ ಒದಗಿಸುತ್ತಿದ್ದರೆ, ರೋಡ್ರನ್ನರ್ನಂತಹ ಕಂಪೆನಿಗಳು ಬಿಸಿನಿಸ್ ಟು ಬಿಸಿನೆಸ್ ಸೇವೆ ಒದಗಿಸುತ್ತಿವೆ..
ಇದೇರೀತಿ ಚೆನ್ನೈ ಮೂಲದ ಲೋಕಲ್ಲೆಗ್ಸ್ ಅನ್ನುವ ನೂತನ ಸಂಸ್ಥೆಯೂ ಇದೇ ರೀತಿಯ ಪ್ರಯತ್ನಕ್ಕೆ ಮುಂದಾಗಿದೆ.. 2015ರ ಏಪ್ರಿಲ್ನಲ್ಲಿ ಆರಂಭವಾದ ಈ ಸಂಸ್ಥೆ ಮನೆ ಬಾಗಿಲಿಗೆ ತಲುಪಿಸುವ ಬಿಸಿನೆಸ್ ಟು ಬಿಸಿನೆಸ್ ಸೇವೆ ಆರಂಭಿಸಿದೆ.. ಜೊತೆಗೆ ಇದು ಫ್ಲಿಪ್ಕಾರ್ಟ್, ಸ್ನ್ಯಾಪ್ ಡೀಲ್ಗಳಂತೆ ಇ-ಕಾಮರ್ಸ್ ಸೇವೆ ಆರಂಬಿಸುವ ಚಿಂತನೆ ಸಹ ನಡೆಸಿದೆ..
ಐಐಟಿಯಲ್ಲಿ ಕಲಿತ ಪ್ರತೀಕ್ ಅಗರ್ವಾಲ್ ಹಾಗೂ ವಿವೇಕ್ ಪೊಡ್ಡಾರ್ ಆರಂಭಿಸಿದ ಸಂಸ್ಥೆಯಿದು.. ಛತ್ತಿಸ್ಘಡದ ಬಿಲಾಸ್ಪುರದವರಾದ ಪ್ರತೀಕ್, ಅಲ್ಲಿ ಬೇರೆ ಬೇರೆ ಕಂಪೆನಿಗಳ ಸಿಮೆಂಟ್ಗಳ ಮಾರಾಟ ಹಾಗೂ ಸಾಗಾಣಿಕೆಯ ಏಜೆನ್ಸಿ ನಡೆಸುತ್ತಿದ್ದರು.. ಇಲ್ಲಿ ಲಾಜಿಸ್ಟಕ್ಸ್ಗೆ ಸಂಬಂಧಪಟ್ಟ ಸುಳಿವುಗಳನ್ನು ಮನದಟ್ಟು ಮಾಡಿಕೊಂಡಿದ್ದ ಪ್ರತೀಕ್ ಸ್ವಂತ ಲಾಜಿಸ್ಟಿಕ್ ಕಂಪೆನಿ ಆರಂಭಿಸಲು ಚೆನ್ನೈಗೆ ಬಂದರು..
ಪ್ರತೀಕ್ಗೆ ಇಲ್ಲಿ ಜೊತೆಯಾದವರು ವಿವೇಕ್.. ಉನ್ನತ ವಿದ್ಯಾಭ್ಯಾಸವನ್ನು ಕೆನಡಾದಲ್ಲಿ ಮುಗಿಸಿದ್ದ ವಿವೇಕ್ ನಗರದ ವಿವಿಧ ಭಾಗಗಳಿಗೆ ಆಹಾರೋತ್ಪನ್ನಗಳನ್ನು ಕಳಿಹಿಸುವ ಅರೆಕಾಲಿಕ ವೃತ್ತಿ ಮಾಡುತ್ತಿದ್ದರು.. ಈ ಸಂದರ್ಭದಲ್ಲಿಯೇ ಕೆನಡಾಗೆ ಹೋಲಿಸಿದಲ್ಲಿ ಭಾತದಲ್ಲಿ ಡೆಲಿವರಿ ತಂತ್ರಜ್ಞಾನ ಬಹಳ ಹಿಂದಿರುವುದು ಅವರ ಗಮನಕ್ಕೆ ಬಂದಿತ್ತು.. ಹೀಗಾಗಿ ಹೈಪರ್ಲೋಕಲ್ ವಿಚಾರದಲ್ಲಿ ಹೊಸದೇನಾದರೂ ಮಾಡಲೇಬೇಕೆಂಬ ಆಲೋಚನೆ ಅವರ ಮನಸ್ಸಿಗೆ ಬಂದಿತ್ತು..
ವಿವೇಕ್ ಹೇಳುವಂತೆ ಹೈಪರ್ಲೋಕಲ್ ಕ್ಷೇತ್ರದಲ್ಲಿ ಅದಾಗಲೆ ಸುಮಾರು 7 ಸಂಸ್ಥೆಗಳು ಪೈಪೋಟಿಗೆ ಬಿದ್ದಂತೆ ಸೇವೆ ಒದಗಿಸುತ್ತಿದ್ದವು.. ಹಾಗಾಗಿ ಬಿಸಿನೆಸ್ ಟು ಕಸ್ಟಮರ್ ಹೈಪರ್ಲೋಕಲ್ ಮಾರುಕಟ್ಟೆಯನ್ನು ಕೇಂದ್ರವಾಗಿರಿಸಿಕೊಂಡು ಆರಂಭಿಸಿದ ಅವರ ಸಂಸ್ಥೆಯಲ್ಲಿ ಡೆಲಿವರಿ ಸಂಬಂಧಿಸಿದಂತೆ ಇರುವ ತಂತ್ರಜ್ಞಾನವನ್ನು ಉತ್ತಮಪಡಿಸಿಕೊಂಡು, ಜೊತೆಗೆ ಡಿಸ್ಕೌಂಟ್ ಹಾಗೂ ಕೂಪನ್ ಗಳನ್ನು ನೀಡುವ ಮೂಲಕ ಗ್ರಾಹಕರನ್ನು ಸೆಳೆಯುವ ತಂತ್ರಕ್ಕೆ ಮುಂದಾದರು..
ಸದ್ಯ ಲೋಕಲ್ ಲೆಗ್ಸ್ ಸಂಸ್ಥೆಗೆ ಬೇಕಾದ ಸಾಂಸ್ಥಿಕ ಬಂಡವಾಳವನ್ನು ಮೂವರು ವ್ಯಕ್ತಿಗಳು ಹೂಡಿದ್ದು, ಸಂಸ್ಥೆಯ ಬೆಳವಣಿಗೆಗೆ ಅಗತ್ಯವಿರುವ ಸಲಹೆ-ಸೂಚನೆ, ಮಾರ್ಗದರ್ಶನ ಮುಂತಾದ ಅಮೂಲ್ಯ ಸೇವೆಯೂ ಅವರಿಂದ ಸಿಗುತ್ತಿದೆ.. ಪ್ರಸ್ತುತ 7 ಜನರನ್ನು ಹೊಂದಿರುವ ಲೋಕಲ್ಲೆಗ್ಸ್ ಸಂಸ್ಥೆ ಸುಮಾರು 35 ಡೆಲಿವರಿ ಹುಡುಗರನ್ನು ಬಳಸಿಕೊಂಡು ಚೆನ್ನೈನಲ್ಲಿ ತನ್ನ ಕಾರ್ಯಾಚರಣೆ ನಡೆಸುತ್ತಿದೆ..
ಭವಿಷ್ಯದ ಯೋಜನೆಗಳು:
ಸಂಸ್ಥೆಯ ಶಾಖೆಯನ್ನು ಮುಂಬೈಗೂ ವಿಸ್ತರಿಸುವ ಯೋಜನೆ ಲೋಕಲ್ಲೆಗ್ಸ್ ಸಂಸ್ಥೆಗಿದೆ.. ಜೊತೆಗೆ ಟಯರ್ 1 ಹಾಗೂ ಟಯರ್ 2 ಹಂತಗಳ ನಡುವೆ ಗುರುತಿಸಿಕೊಂಡಿರುವ ಅಹಮದಾಬಾದ್, ಜೈಪುರದಂತಹ ಪಟ್ಟಣಗಳಲ್ಲೂ ಸೇವೆ ಆರಂಭಿಸುವ ಉದ್ದೇಶ ಹೊಂದಿದೆ..
ಈ ಮಧ್ಯೆ ಸಂಸ್ಥೆ ತನ್ನ ಬಿಸಿನೆಸ್ ನೀತಿಗಳನ್ನು ಬದಲಾಯಿಸಿಕೊಂಡು ಮಾರುಕಟ್ಟೆಯ ಅಗತ್ಯತೆಗಳಿಗೆ ಅನುಸಾರ ಬದಲಾಗಲು ಸಿದ್ಧವಿದೆ.. ಅವರು ಮೆಡಿಸಿನ್ಗಳಿಗೆ ಸಂಬಂಧಪಟ್ಟ ಫಾರ್ಮಾಸ್ಯೂಟಿಕಲ್ ಉತ್ಪನ್ನಗಳು, ದಿನಸಿ ವಸ್ತುಗಳೂ ಹಾಗೂ ಇ-ಕಾಮರ್ಸ್ ಉತ್ಪನ್ನಗಳನ್ನೂ ಡೋರ್ ಡೆಲಿವರಿ ಒದಗಿಸುವ ಯತ್ನಕ್ಕೆ ಮುಂದಾಗುತ್ತಿದ್ದಾರೆ..
ರಿಯಲ್ ಟೈಮ್ ಟ್ರಾಕಿಂಗ್ ಸಿಸ್ಟಂನಂತ ವಿನೂತನ ತಾಂತ್ರಿಕತೆಯನ್ನೂ ಅಳವಡಿಸಿಕೊಂಡಿರುವ ಲೋಕಲ್ಲೆಗ್ಸ್, ಈ ಮೂಲಕ ಡೆಲಿವರಿ ಹುಡುಗರ ವಿಶಾಸಾರ್ಹತೆ ವೃದ್ಧಿಸಲು ಗಮನಹರಿಸಿದ್ದಾರೆ.. ಮಾರುಕಟ್ಟೆಯಲ್ಲಿ ಸಿಂಹ ಪಾಲು ಹೊಂದಿರುವ ಹೂಡಿಕೆದಾರರಾದ ಜಂಗಲ್ ವೆಂಚರ್ಸ್ ಹಾಗೂ ಸ್ಮೈಲ್ ಗ್ರೂಪ್ಗಳು ಲೋಕಲ್ಲೆಗ್ಸ್ ಹೂಡಿಕೆ ಮಾಡುವ ಮಾತುಕಥೆಯಲ್ಲಿ ತೊಡಗಿವೆ..
ಬೆಳವಣಿಗೆ ಹಾಗೂ ಸವಾಲುಗಳು:
ಪ್ರತಿಯೊಂದು ಡೆಲಿವರಿಗೂ ಸರಾಸರಿ ಟಿಕೆಟ್ ವೆಚ್ಚ 500 ರೂಪಾಯಿಯಿದೆ.. ದಿನವೊಂದಕ್ಕೆ 200 ಡೆಲಿವರಿ ನೀಡಿದರೂ ಸರಾಸರಿ ಆದಾಯ 1 ಲಕ್ಷ ಮುಟ್ಟುತ್ತದೆ.. ಇದು ಲೋಕಲ್ಲೆಗ್ಸ್ ಸದ್ಯದ ಆದಾಯದ ಸ್ಥಿತಿ.. ಇನ್ನು ಸಂಸ್ಥೆ ಹೇಳಿಕೊಂಡಂತೆ ಪ್ರತೀವಾರವೂ ಶೇ 76ರಷ್ಟು ಏರಿಕೆ ಕಾಣುತ್ತಿದೆ..
ವಿವೇಕ್ ಹೇಳುವಂತೆ ಮೇನಲ್ಲಿ 60 ರಷ್ಟಿದ್ದ ಡೆಲಿವರಿ ಬೇಡಿಕೆ, ಜೂನ್ನಲ್ಲಿ 130ಕ್ಕೆ ಏರಿಕೆಯಾಗಿತ್ತು.. ಈಗ ಹತ್ತಿರ ಹತ್ತಿರ ದಿನವೊಂದಕ್ಕೆ 300ರಷ್ಟು ಡೆಲಿವರಿ ಬೇಡಿಕೆಯಿದೆ.. ಈ ವರ್ಷಾಂತ್ಯದಲ್ಲಿ ದಿನವೊಂದರಲ್ಲಿ 10ಸಾವಿರ ಡೆಲಿವರಿ ನೀಡಬಲ್ಲ ಗುರಿಯನ್ನು ಲೋಕಲ್ಲೆಗ್ಸ್ ಹೊಂದಿದೆ..
ಇಷ್ಟೆಲ್ಲ ಯಶಸ್ಸು ಲಭಿಸಿದ್ದರೂ ಲೋಕಲ್ಲೆಗ್ಸ್ ಯಶೋಗಾಥೆ ಸರಳ, ಸುಲಭ ಹಾಗೂ ನೇರವಾಗಿಲ್ಲ.. ಇಲ್ಲಿ ಸಾಕಷ್ಟು ಸಂಘರ್ಷಗಳಿವೆ.. ದೊಡ್ಡ ಆದಾಯದ ಮೂಲ ದೊಡ್ಡ ಸವಾಲುಗಳನ್ನೂ ತಂದೊಡ್ಡುತ್ತದೆ ಅನ್ನುವುದು ವಿವೇಕ್ರ ಅಭಿಮತ..
60-70 ಪ್ರತಿಶತ ಡೆಲಿವರಿ ಸ್ಟಾಪ್ಗಳು ಅನಿಯಮಿತ ಸೇವೆ ಒದಗಿಸುತ್ತಿದ್ದಾರೆ.. ಒಂದು ದಿನ ಬಂದ ಹುಡುಗರು ಮತ್ತೊಂದು ದಿನ ಬರುವುದಿಲ್ಲ.. ಇದು ಸಂಸ್ಥೆಯ ಪಾಲಿನ ಅತಿ ದೊಡ್ಡ ಸಮಸ್ಯೆಯಾಗಿದೆ.. ಲೋಕಲ್ಲೆಗ್ಸ್ ಸಂಸ್ಥೆಗೆ ಸಂದರ್ಶಿಸಲ್ಪಟ್ಟಿದ್ದು 150 ಜನರನ್ನು ಆದರೆ ನೇಮಕವಾಗಿದ್ದು ಮಾತ್ರ ಕೇವಲ 40.. ಜೊತೆಗೆ ಹೊಸದಾಗಿ ನೇಮಿಸಲ್ಪಡುವ ಸ್ಟಾಫ್ಗಳಿಗೆ ತರಬೇತಿ ನೀಡಬೇಕು.. ಈಗಾಗಲೆ ಮಾರುಕಟ್ಟೆಯಲ್ಲಿ ಪೈಪೋಟಿಯಲ್ಲಿರುವ ಸಂಸ್ಥೆಗಳು ಡೆಲಿವರಿ ಹುಡುಗರನ್ನು ಹೆಚ್ಚಿನ ಸಂಬಳದ ಆಮೀಷವೊಡ್ಡಿ ಸೆಳೆದುಕೊಳ್ಳುತ್ತಿದ್ದಾರೆ.. ಈ ನಿಟ್ಟಿನಲ್ಲಿ ಲೋಕಲ್ಲೆಗ್ಸ್ ಕೆಲವು ಎನ್ಜಿಓಗಳ ಬಳಿಯೂ ಮ್ಯಾನ್ ಪವರ್ ಪೂರೈಕೆಯ ಕುರಿತು ಮಾತಾಡಿದೆ..ಈ ಎಲ್ಲಾ ಸವಾಲುಗಳನ್ನು ಎದುರಿಸಿಯೂ ಲೋಕಲ್ಲೆಗ್ಸ್ ಸಂಸ್ಥೆ ಉತ್ತಮ ಫಲಿತಾಂಶ ನೀಡುತ್ತಿದೆ..