ಕಾಲೇಜು ಕಟ್ಟಡದಲ್ಲೊಂದು ವಿಭಿನ್ನ ಹಸಿರು ಉದ್ಯಾನವನ..!
ಟೀಮ್ ವೈ.ಎಸ್. ಕನ್ನಡ
Thursday June 02, 2016,
2 min Read
ಪರಿಸರ ಮಾಲಿನ್ಯಕ್ಕೆ ಇರುವ ಏಕೈಕ ಪರಿಹಾರ ಗಿಡ-ಮರಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಬೆಳೆಸುವುದು. ಅದರಲ್ಲೂ ವಿನಾಶದ ಅಂಚಿನಲ್ಲಿರುವ ಸ್ಥಳೀಯ ಸಸ್ಯ ಪ್ರಬೇಧಗಳ ರಕ್ಷಣೆ ನಮ್ಮೆಲ್ಲರ ಕರ್ತವ್ಯವೂ ಹೌದು. ಈ ನಿಟ್ಟಿನಲ್ಲಿ ಜಿಪಿಸ್ ಇನ್ಸ್ಟಿಟ್ಯೂಟ್ ಆಫ್ ಅಗ್ರಿಕಲ್ಚರಲ್ ಮ್ಯಾನೇಜ್ಮೆಂಟ್ ದಿಟ್ಟ ಹೆಜ್ಜೆ ಇಟ್ಟಿದೆ. ದೇಶದ ಅತಿ ಎತ್ತರದ ನೇರ ಉದ್ಯಾನವನ ‘ಎಸ್ಕಲೇಟರ್ ಗಾರ್ಡನ್’ನ್ನು ಕಾಲೇಜಿನಲ್ಲಿ ರೂಪಿಸಿದೆ. ಹೊಸ ತಂತ್ರಜ್ಞಾನ ಬಳಸಿ ಕಡಿಮೆ ಸ್ಥಳದಲ್ಲೇ ಹಸಿರು ಕ್ರಾಂತಿಗೆ ಈ ಕಾಲೇಜ್ ಹೊಸ ಮುನ್ನುಡಿ ಬರೆದಿದೆ.
ಜಿಪಿಸ್ ಇನ್ಸ್ಟಿಟ್ಯೂಟ್ ಆಫ್ ಅಗ್ರಿಕಲ್ಚರಲ್ ಮ್ಯಾನೇಜ್ಮೆಂಟ್ ಕಾಲೇಜು ಕಟ್ಟಡವೊಂದರಲ್ಲಿ ಹಸಿರು ನಳನಳಿಸುವಂತಾಗಿದೆ. ನೂರಾರು ಸ್ಥಳೀಯ ಪ್ರಬೇಧದ ಸಸ್ಯ ಸಂಕುಲಗಳ ಉದ್ಯಾನವನ ಕಾಲೇಜಿನೊಳಗೆ ನಿರ್ಮಾಣಗೊಂಡಿದೆ. ದೇಶದ ಅತಿ ಎತ್ತರದ ನೇರ ಉದ್ಯಾನವನ ಎಸ್ಕಲೇಟರ್ ಗಾರ್ಡನ್ ಅನ್ನು ಕಾಲೇಜಿನಲ್ಲಿ ನಿರ್ಮಿಸಿದೆ. ಈ ಮೂಲಕ ಕಾಲೇಜು ಹೊಸ ದಾಖಲೆ ಬರೆದಿದೆ.
ಇದನ್ನು ಓದಿ: "ಥಟ್ ಅಂತಾ ಹೇಳಿದ್ದಾರೆ" ಆರತಿ ಎಚ್ ಎನ್ ಅವರಿಗೆ ಈ ಬರಹವನ್ನ ಬಹುಮಾನವನ್ನಾಗಿ ನೀಡಲಾಗ್ತಿದೆ..!
ಮಲ್ಟಿಪ್ಲೆಕ್ಸ್ ಗ್ರೂಪ್ನ ಕನಸಾದ ಈ ನೇರ ಉದ್ಯಾನವನ ಎಸ್ಕಲೇಟರ್ ಗಾರ್ಡನ್, ಆಧುನಿಕ ವಾಸ್ತುಶಿಲ್ಪ ಮತ್ತು ಪರಿಸರ ಕಾಳಜಿಯ ಅನನ್ಯ ಸಮ್ಮಿಲನವಾಗಿದೆ. ಹನಿ ನೀರಾವರಿ ಮೂಲಕ 300ಕ್ಕೂ ಅಧಿಕ ಸ್ಥಳೀಯ ಪ್ರಬೇಧದ ಸಸ್ಯಗಳನ್ನು ಈ ಉದ್ಯಾನವನದಲ್ಲಿ ಬೆಳೆಸಲಾಗಿದೆ. ಪ್ರತಿ ಸಸ್ಯ 4 ಕಿಲೋ ಗ್ರಾಂ ಇದ್ದು, ಒಟ್ಟಾರೆ 50 ಅಡಿ ಎತ್ತರ ಹಾಗೂ ಏಳೂವರೆ ಅಡಿ ಅಗಲವಿದೆ. ಈ ಉದ್ಯಾನವನ ಸ್ಥಳೀಯ ಪರಿಸರಕ್ಕೆ ಹೊಸ ಮೆರಗು ನೀಡಿದೆ.
ಸೂರ್ಯನ ಕಿರಣಗಳನ್ನು ಪ್ರತಿಫಲಿಸಿ, ಈ ಉದ್ಯಾನವನಕ್ಕೆ ಅಗತ್ಯವಾದ ಬೆಳಕಿನ ವ್ಯವಸ್ಥೆ ಮಾಡಲಾಗಿದೆ. ಈ ಮೂಲಕ ಇಡೀ ಉದ್ಯಾನವನ ಸಂಪೂರ್ಣವಾಗಿ ನೈಸರ್ಗಿಕವಾಗಿ ಬೆಳೆದು ನಿಂತಿದೆ. ನೋಡಲು ಕೂಡ ಸುಂದರವಾಗಿ ಕಾಣುವ ಉದ್ಯಾನವನ ಕಡಿಮೆ ಸ್ಥಳದಲ್ಲೇ ಹೆಚ್ಚು ಹಸಿಸು ಬೆಳೆಸಬೇಕೆಂಬುವರ ಕನಸಿಗೆ ಸಹಾಯಕಾರಿಯಾಗಿದೆ. ಕಡಿಮೆ ಸ್ಥಳವಿರುವ ಅಪಾರ್ಟ್ಮೆಂಟ್, ಮನೆಗಳಲ್ಲಿ ಈ ವಿಧಾನವನ್ನು ಬಳಸಿಕೊಳ್ಳಬಹುದಾಗಿದೆ.
ಜಿಪಿಎಸ್ ಇನ್ಸ್ಟಿಟ್ಯೂಟ್ ಆಫ್ ಅಗ್ರಿಕಲ್ಚರಲ್ ಮ್ಯಾನೇಜ್ಮೆಂಟ್ನ ಈ ಪ್ರಯೋಗ ಭವಿಷ್ಯದ ಆಧುನಿಕ ವಾಸ್ತುಶಿಲ್ಪಕ್ಕೆ ಮಾದರಿ ಎನಿಸುವಂತಿದೆ. ಪರಿಸರ ಪೂರಕ ಬಹುಮಹಡಿ ಕಟ್ಟಡಗಳನ್ನು ಹೇಗೆ ನಿರ್ಮಿಸಬಹುದು ಹಾಗೂ ಆ ಮೂಲಕ ಪರಿಸರದ ಸವಾಲುಗಳಿಗೆ ಹೇಗೆ ಉತ್ತರ ನೀಡಬಹುದು ಎನ್ನುವುದಕ್ಕೆ ಈ ಉದ್ಯಾನವನ ಮಾದರಿ. ಹೆಚ್ಚುತ್ತಿರುವ ಪರಿಸರದ ತಾಪಮಾನ, ಕುಸಿಯುತ್ತಿರುವ ಗಾಳಿಯ ಗುಣಮಟ್ಟ ನಗರ ಜೀವನವನ್ನು ಅಸಹನೀಯಗೊಳಿಸುತ್ತಿದೆ. ಇದಕ್ಕೆ ಉತ್ತರ ಇಂತಹ ಪ್ರಯೋಗ. ‘ಇದು ಕೇವಲ ಪ್ರಯೋಗವಾಗಿ ಮಾತ್ರ ಉಳಿದಿಲ್ಲ. ಇದು ಹಲವು ವಿದ್ಯಾರ್ಥಿಗಳಿಗೆ ಉದ್ಯೋಗಾವಕಾಶ ಒದಗಿಸುವಂತಹ ನೂತನ ಪ್ರಯತ್ನವಾಗಿದೆ. ಭವಿಷ್ಯದಲ್ಲಿ ದೇಶ-ವಿದೇಶದಲ್ಲಿ ಇಂತಹ ವಾಸ್ತುಶಿಲ್ಪಕ್ಕೆ ಹೆಚ್ಚಿನ ಬೇಡಿಕೆಯಿದ್ದು ಇಲ್ಲಿನ ವಿದ್ಯಾರ್ಥಿಗಳಿಗೆ ಉತ್ತಮ ಉದ್ಯೋಗವಕಾಶ ದೊರೆಯಲಿದೆ ಎನ್ನುತ್ತಾರೆ ಕಾಲೇಜಿನ ಸಿಬ್ಬಂದಿಗಳು.
ವಿದ್ಯಾರ್ಥಿಗಳ ಈ ವಿನೂತನ ಗಾರ್ಡನಿಂಗ್ ಕ್ರಮ ಈಗ ಎಲ್ಲಾ ಕಡೆ ಚರ್ಚೆ ಆಗುತ್ತಿದೆ. ಮನಸ್ಸಿದ್ದರೆ ಯಾವ ಸವಾಲನ್ನು ಬೇಕಾದ್ರೂ ಗೆಲ್ಲಬಹುದು ಅನ್ನೋದಕ್ಕೆ ವಿದ್ಯಾರ್ಥಿಗಳ ಸಾಧನೆಯೇ ಸಾಕ್ಷಿ.
2. ಟ್ರೇಲರ್ನಲ್ಲೇ ಅಡಗಿದೆ ಎಲ್ಲಾ ರಹಸ್ಯಗಳು..
3. ಅಂದು 150 ರೂಪಾಯಿ ಸಂಬಳ, ಇಂದು 150 ಕೋಟಿ ರೂಪಾಯಿ ವಹಿವಾಟು ನಡೆಸುವ ಚಾಣಕ್ಯ..!