ಫ್ಯಾನ್ ಟೆಕ್ನಾಲಜಿಯಲ್ಲಿದೆ ಆತ್ಮಹತ್ಯೆ ತಡೆಯುವ ಪ್ರಯತ್ನ..!
ಟೀಮ್ ವೈ.ಎಸ್. ಕನ್ನಡ
Sunday June 11, 2017,
2 min Read
ಸೆಕೆಗಾಲದಲ್ಲಿ ಫ್ಯಾನ್ ಬೇಕೇ ಬೇಕು. ಹೀಗಾಗಿ ಎಲ್ಲಾ ಕಡೆ ಫ್ಯಾನ್ಗಳು ಇದ್ದೇ ಇರುತ್ತವೆ. ಆದ್ರೆ ಈ ಫ್ಯಾನ್ಗಳಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಅದರಲ್ಲೂ ಕೋಟಾದ ಹಾಸ್ಟೆಲ್ ಒಂದರಲ್ಲಿ ಫ್ಯಾನ್ಗೆ ನೇಣುಬಿಗಿದುಕೊಂಡು ಜೀವ ಕಳೆದುಕೊಂಡವರ ಸಂಖ್ಯೆ ಸಾಕಷ್ಟಿದೆ. ಕೋಟಾದ ಆ ಹಾಸ್ಟೆಲ್ ಗೋಡೆ ಗೋಡೆಗಳು ಕೂಡ ಒಂದೊಂದು ಆತ್ಮಹತ್ಯೆಯ ಕಥೆಗಳನ್ನು ಹೇಳುವಷ್ಟು ಜೀವ ಕಳೆದುಕೊಂಡವರ ಸಂಖ್ಯೆಗಳಿವೆ. ಕಳೆದ 6 ವರ್ಷಗಳಲ್ಲಿ ಕೋಟಾ ಹಾಸ್ಟೆಲ್ನಲ್ಲಿದ್ದ ಸುಮಾರು 60 ವಿದ್ಯಾರ್ಥಿಗಳು ಫ್ಯಾನ್ ಗೆ ನೇಣುಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಅಂದಾಜು ಪ್ರತೀ ತಿಂಗಳಿಗೆ ಒಬ್ಬರಂತೆ ಜೀವ ಕಳೆದುಕೊಂಡಿದ್ದಾರೆ.
ಹಾಸ್ಟೆಲ್ಗಳಲ್ಲಿ ಸಾಮಾನ್ಯವಾಗಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಳ್ಳುವವರ ಸಂಖ್ಯೆಯೇ ಹೆಚ್ಚು. ಹೀಗಾಗಿ ಇದನ್ನು ತಡೆಯಲು ಅನೇಕ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ಎಲೆಕ್ಟ್ರಾನಿಕ್ ಎಂಜಿನಿಯರ್ ಒಬ್ಬರು ಈ ಸಾಹಸಕ್ಕೆ ಕೈ ಹಾಕಿದ್ದಾರೆ. ಆ್ಯಂಟಿ ಸುಸೈಡ್ ಫ್ಯಾನ್ ರಾಡ್ ಒಂದನ್ನು ಕ್ರಾಂಪ್ಟನ್ ಅಂಡ್ ಗ್ರೀವ್ಸ್ ಸಂಸ್ಥೆಯಲ್ಲಿ ಜನರಲ್ ಮ್ಯಾನೇಜರ್ ಆಗಿದ್ದ ಶರದ್ ಅಶಾನಿ ಕಂಡುಹಿಡಿದಿದ್ದಾರೆ. ಇದು ಫ್ಯಾನ್ಗೆ ನೇಣುಹಾಕಿಕೊಂಡು ಸಾಯುವವರ ಸಂಖ್ಯೆಯನ್ನು ತಡೆಯಲಿದೆ.
ಇದನ್ನು ಓದಿ: ಸ್ಟಾರ್ಟ್ಅಪ್ ಯಶಸ್ಸಿಗೆ ಏನೇನು ಮುಖ್ಯ..?
ಮಹಾರಾಷ್ಟ್ರ ಮುಲುಂಡ್ ನಿವಾಸಿಯಾಗಿರುವ 61ರ ಹರೆಯದ ಶರದ್ ಅಶಾನಿ ಹೊಸ ತಂತ್ರಜ್ಞಾನವನ್ನು ಕಂಡುಹಿಡಿದಿದ್ದಾರೆ. ಈ ತಂತ್ರಜ್ಞಾನದಲ್ಲಿ ಆತ್ಮಹತ್ಯೆ ಅಸಾಧ್ಯವಾಗಿದೆ. ಯಾಕಂದ್ರೆ ಫ್ಯಾನ್ ಸೀಲಿಂಗ್ಗಳು ರಾಡ್ಗೆ ನೇಣು ಬಿಗಿಯುವುದನ್ನು ತಡೆಯುತ್ತದೆ. ಇದರ ಮೊದಲ ಪ್ರಯೋಗವಾಗಿ ಕೋಟಾದ ಹಾಸ್ಟೆಲ್ ಒಂದಕ್ಕೆ ಕಳುಹಿಸಿಕೊಡಲಾಗಿದೆ. ಅಷ್ಟೇ ಅಲ್ಲ ಅದು ಅಲ್ಲಿ ಬದಲಾವಣೆಯನ್ನು ತಂದಿದೆ.
“ ಫ್ಯಾನ್ಗೆ ನೇಣು ಬಿಗಿದುಕೊಳ್ಳುವಾಗ ಅದು ಭಾರವನ್ನು ತಡೆಯುವುದಿಲ್ಲ. ಅಷ್ಟೇ ಅಲ್ಲ ಅದು ಕಳಚಿಕೊಳ್ಳುತ್ತದೆ. ರಾಡ್ ಕಳಚಿದರೆ ಆತ್ಮಹತ್ಯೆ ಪ್ರಯತ್ನ ವಿಫಲವಾಗುತ್ತದೆ. ಆದ್ರೆ ಕಳಚಿಬಿದ್ದ ರಾಡ್ನಿಂದ ಆತ್ಮಹತ್ಯೆ ಪ್ರಯತ್ನ ಪಟ್ಟವರಿಗೆ ಗಾಯಗಳಾಗುವುದಿಲ್ಲ. ಯಾಕಂದ್ರೆ ಆ ರಾಡ್ ಲೈಟ್ ವೇಯ್ಟ್ನಿಂದ ಕೂಡಿರುತ್ತದೆ. ”
ಅಂದಹಾಗೇ ಈ ಹೊಸ ತಂತ್ರಜ್ಞಾನದ ಫ್ಯಾನ್ ರಾಡ್ಗೆ ಹೆಚ್ಚು ಖರ್ಚು ಬೀಳುವುದಿಲ್ಲ. ಕೇವಲ 250 ರೂಪಾಯಿಗೆ ರಾಡ್ ಖರೀದಿ ಮಾಡಿ, ಹೊಸ ಮತ್ತು ಹಳೆಯ ಫ್ಯಾನ್ಗಳಿಗೆ ಫಿಟ್ ಮಾಡಬಹುದು. ಈ ಬಗ್ಗೆ ಕೋಟಾ ಹಾಸ್ಟೆಲ್ಸ್ ಅಸೋಸಿಯೇಶನ್ಗೆ ಈ ಬಗ್ಗೆ ತಿಳಿಸಿದಾಗ ಅದು ಪ್ರಯೋಗಕ್ಕೆ ಮನಸ್ಸು ಮಾಡಿತ್ತು. ಈಗ ಸುಮಾರು 5000 ರಾಡ್ಗಳಿಗೆ ಆರ್ಡರ್ಗಳು ಬಂದಿವೆ. ಈಗಾಗಲೇ 500 ಆರ್ಡರ್ಗಳನ್ನು ಪೂರೈಕೆ ಮಾಡಲಾಗಿದೆ.
ಶರದ್ ಕಂಡುಹಿಡಿದ ತಂತ್ರಜ್ಞಾನದಿಂದ ಕೋಟಾ ಹಾಸ್ಟೆಲ್ನಲ್ಲಿನ ಆತ್ಮಹತ್ಯೆಯ ತಲೆನೋವು ಕಡಿಮೆ ಆಗಿದೆ. ಮುಂದಿನ ದಿನಗಳಲ್ಲಿ ಇದು ಎಲ್ಲಾ ಹಾಸ್ಟೆಲ್, ಮನೆ ಮತ್ತು ಫ್ಯಾನ್ ಬಳಕೆ ಮಾಡುವ ಕಡೆಗಳಲ್ಲಿ ಕಂಡುಬಂದರೂ ಅಚ್ಚರಿಯಿಲ್ಲ.
1. ಅಪ್ರಾಪ್ತ ಮಕ್ಕಳಿಗಾಗಿ ಹೊಸ ಆ್ಯಪ್- ಪೋಷಕರ ಚಿಂತೆ ದೂರ ಮಾಡಲಿದೆ ಫೇಸ್ಬುಕ್..!
2. ಆನ್ಲೈನ್ನಲ್ಲಿ ಕನ್ನಡ ಅಭಿವೃದ್ಧಿಗಾಗಿ ಪಣ ತೊಟ್ಟ ಟೆಕ್ಕಿಗಳು
3. ಗಾಯಗೊಂಡ ಪ್ರಾಣಿಗಳಿಗೆ ಆಶ್ರಯ ತಾಣ- ವಿರಾಟ್ ಕೊಹ್ಲಿ ಭೇಟಿ ಬಳಿಕ ಬದಲಾಗಿದೆ ಅದೃಷ್ಟ