ಲಕ್ಷ ಚದರಡಿ ನಿರ್ವಹಣೆಯೊಂದಿಗೆ ಶೇಖರಣಾ ಘಟಕ ಬೇಡಿಕೆ ಹೆಚ್ಚಿಸಿಕೊಳ್ಳುತ್ತಿದೆ "ಸ್ಟೋರ್ ಮೋರ್"
ಟೀಮ್ ವೈ.ಎಸ್.
ಈ ಹಿಂದೆ ಸಂಗ್ರಹಣೆ ಹಾಗೂ ಶೇಖರಣೆಗಳಿಗೆ ಅಂತಹ ಮಹತ್ವದ ಆದ್ಯತೆಗಳೇನೂ ಇರಲಿಲ್ಲ. ಆದರೆ ಬೆಳೆಯುತ್ತಿರುವ ಬಿಸಿನೆಸ್ ಯುಗದಲ್ಲಿ ಶೇಖರಣಾ ಘಟಕಗಳು ನೂತನ ಟ್ರೆಂಡ್ ಆಗಿ ಪರಿವರ್ತನೆಗೊಂಡಿದೆ.. ಈಗ ವಿಶ್ವದಾದ್ಯಂತ ಶೇಖರಣಾ ಘಟಕಗಳನ್ನು ಬಾಡಿಗೆಗೆ ಕೊಡುವ ಟ್ರೆಂಡ್ ಎಲ್ಲೆಡೆ ವಿಸ್ತರಿಸತೊಡಗಿದೆ.. ಆನ್ಲೈನ್ ಮಾರುಕಟ್ಟೆ ಟ್ರೆಂಡ್ ಜನಪ್ರಿಯವಾಗುತ್ತಿರುವ ಬೆನ್ನಲ್ಲೇ ಆನ್ಲೈನ್ ಸರಕುಗಳಿಗೆ ಭೌತಿಕ ಸ್ಥಳಾವಕಾಶ ನೀಡುವ ಅವಕಾಶಗಳು ಅಧಿಕವಾಗುತ್ತಿದೆ.. ಶೇಖರಣೆಗೆ ಸ್ಥಳ ಕೊಟ್ಟರೆ ಆನ್ಲೈನ್ ಕಂಪೆನಿಗಳು ಬಾಡಿಗೆ ಲೆಕ್ಕದಲ್ಲಿ ತಮ್ಮ ಸರಕುಗಳನ್ನು ಸಂಗ್ರಹಿಸಿಡುತ್ತವೆ.. ನಗರೀಕರಣ ಹಾಗೂ ಜೀವನ ಶೈಲಿಯ ಬದಲಾವಣೆಗಳಿಂದ ಇಂತಹ ಸೌಲಭ್ಯಗಳೂ ಹೆಚ್ಚಾಗುತ್ತಿವೆ..
ಇದೊಂದು ಟ್ರೆಂಡ್:
ಸ್ಟೋರ್ಮೋರ್ನ ಶೇಖರಣಾ ಸ್ಥಳ
ತಂತ್ರಜ್ಞಾನ ಕ್ಷೇತ್ರದಲ್ಲಿ ಉಳಿದ ಟ್ರೆಂಡ್ಗಳಂತೆ, ಬೇಡಿಕೆಯಂತೆ ಶೇಖರಣಾ ಸ್ಥಳದ ಟ್ರೆಂಡ್ ಸಹ ಅಮೇರಿಕನ್ ಮೂಲದಿಂದ ಬಂದಿರುವಂತಹದ್ದೆ.. ಈಗಾಗಲೆ ಬೇಡಿಕೆಯ ಅನ್ವಯ ಸಂಗ್ರಹಣಾ ಸ್ಥಳ ಒದಗಿಸುವ ಬಿಸಿನೆಸ್ ಯುಎಸ್ನಲ್ಲಿ ದೊಡ್ಡ ಹೆಜ್ಜೆಗಳೊಂದಿಗೆ ಇಲ್ಲಿಯವರೆಗೆ ಸರಾಸರಿ 24 ಬಿಲಿಯನ್ ಆದಾಯ ಗಳಿಸಿದೆ.. ಅಮೇರಿಕಾದ ಹತ್ತರಲ್ಲಿ ಒಬ್ಬರು ಶೇಖರಣಾ ಘಟಕಗಳನ್ನು ಹೊಂದಿದ್ದು ಬಾಡಿಗೆಗೆ ಕೊಡುತ್ತಿದ್ದಾರೆ.. ಯುನೈಟೆಡ್ ಸ್ಟೇಟ್ನ ಪ್ರಸಿದ್ಧ ಮೇಕ್ಸ್ ಸ್ಪೇಸ್ ಹಾಗೂ ಬಾಕ್ಸ್ ಬಿ ಕ್ರಮವಾಗಿ 10 ಮಿಲಿಯನ್ ಡಾಲರ್ ಹಾಗೂ 7 ಮಿಲಿಯನ್ ಡಾಲರ್ ಆದಾಯ ಗಳಿಸಿವೆ.. ಹಾಂಕಾಂಗ್ ಮೂಲದ ಬಾಕ್ಸ್ಫುಲ್ ಇತ್ತೀಚೆಗಷ್ಟೆ 8 ಮಿಲಿಯನ್ ಡಾಲರ್ ಆದಾಯ ಘೋಷಿಸಿಕೊಂಡಿದೆ.. ಈ ಮಧ್ಯೆ ಭಾರತದಲ್ಲೂ ಮುಂಬೈ ಮೂಲದ ಬಾಕ್ಸ್ ಮೈ ಸ್ಪೇಸ್ ಸಂಸ್ಥೆಯ ಮೂಲಕ ರಾಷ್ಟ್ರದೊಳಗೆ ಶೇಖರಣಾ ಘಟಕದ ಟ್ರೆಂಡ್ ಅಧಿಕೃತವಾಗಿ ಕಾಲಿಟ್ಟಂತಾಗಿದೆ..
ಸ್ಟೋರ್ಮೋರ್:
ನಿತಿನ್ ಧವನ್ ಹಾಗೂ ಪೂಜಾ ಕೊಠಾರಿ ಕಳೆದ ಕೆಲವು ವರ್ಷಗಳ ಹಿಂದೆ ಆರಂಭಿಸಿದ ಸಂಸ್ಥೆ ಸ್ಟೋರ್ಮೋರ್.. ತಾಂತ್ರಿಕ ಸೌಲಭ್ಯಗಳಿಂದ ಉತ್ತಮಪಡಿಸಿಕೊಂಡು ಇದೀಗ ಬೇಡಿಕೆಯಲ್ಲಿದೆ .
ನಿತಿನ್ ಧವನ್
10 ವರ್ಷಗಳ ಹಿಂದೆ ಗುತ್ತಿಗೆ ಗ್ಲೋಬಲ್ ಮೀಡಿಯಾ ಸಂಸ್ಥೆ ಒಂದರಲ್ಲಿ ಸಹ ಸಂಪಾದಕಿಯಾಗಿದ್ದ ಪೂಜಾ ಹಾಗೂ ಹಣಕಾಸು, ಹಾಗೂ ಅಕೌಂಟ್ಸ್ ವಿಭಾಗದ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದ ನಿತಿನ್ರ ಮಹತ್ವಾಕಾಂಕ್ಷೆಯ ಯೋಜನೆಯೇ ಈ ಸ್ಟೋರ್ ಮೋರ್..
ಪೂಜಾ ಹಾಗೂ ನಿತಿನ್ 2010ರಲ್ಲಿ ದಾಖಲಾತಿ ನಿರ್ವಹಣೆಯ ಸಂಸ್ಥೆಯೊಂದನ್ನು ಸ್ಥಾಪಿಸಿದ್ದರು.. ಪೂಜಾ ಬಂಡವಾಳ ಹೂಡಿದ್ದ ಈ ಸಂಸ್ಥೆಯ ಕಾರ್ಯನಿರ್ವಹಣೆಯನ್ನು ನಿತಿನ್ ನೋಡಿಕೊಳ್ಳುತ್ತಿದ್ದರು.. 2013ರಲ್ಲಿ ಈ ಸಂಸ್ಥೆಯ ಜೊತೆಯಲ್ಲೇ ಹುಟ್ಟಿಕೊಂಡಿದ್ದು ಸ್ಟೋರ್ಮೋರ್.. 2014ರಲ್ಲಿ ಸ್ಟೋರ್ಮೋರ್ ಅನ್ನು ಪ್ರತ್ಯೇಕ ಸಂಸ್ಥೆಯನ್ನಾಗಿ ಲಾಂಚ್ ಮಾಡಲಾಯಿತು..
ರಾಷ್ಟ್ರ ರಾಜಧಾನಿ ಪ್ರದೇಶದಾದ್ಯಂತ ನಾವು ಹಲವು ಸಂಪರ್ಕಗಳನ್ನು ಹೊಂದಿದ್ದು ನಮ್ಮ 10 ನೆಟ್ವರ್ಕ್ಗಳಡಿಯಲ್ಲಿ ಸುಮಾರು 1 ಲಕ್ಷ ಚದರಡಿಯಷ್ಟು ಸ್ಥಳ ಬಾಡಿಗೆ ಕೊಡುತ್ತಿದ್ದೇವೆ ಅಂದಿದ್ದಾರೆ ಪೂಜಾ.. ಪೂಜಾರ ಸ್ಟೋರ್ಮೋರ್ ನೆಟ್ವರ್ಕ್ ಪ್ರದೇಶಗಳಲ್ಲಿ ಯಾವುದೇ ಸಂದರ್ಭದಲ್ಲಿ ಯಾವುದೇ ಉದ್ದೇಶಗಳಿಂದ ಗ್ರಾಹಕರು ತಮ್ಮ ವಸ್ತುಗಳನ್ನು ಇಡಬಹುದಾಗಿದ್ದು, ಸ್ಟೋರ್ಮೋರ್ ಸುಮಾರು 200-250 ಗ್ರಾಹಕರನ್ನು ಹೊಂದಿದೆ.
ಪೂಜಾ ಕೊಠಾರಿ
ಆದಾಯ ಮಾದರಿ:
ಸ್ಟೋರ್ಮೋರ್ ತನ್ನ ಘಟಕದ ಸ್ಥಳವನ್ನು ತಿಂಗಳ ಬಾಡಿಗೆಯಂತೆ ಗ್ರಾಹಕರಿಗೆ ನೀಡುತ್ತಿದ್ದು, ಜೊತೆಗೆ ಪ್ಯಾಕಿಂಗ್, ರೀ ಡೆಲಿವರಿ ಹಾಗೂ ಸರಕು ಸಾಗಾಣಿಕೆಗೆ ಪ್ರತ್ಯೇಕ ಚಾರ್ಜ್ ಮಾಡುತ್ತದೆ.. ಸ್ಟೋರ್ಮೋರ್ ನಿಂದ ಭದ್ರತೆ ಹಾಗೂ ಲಾಕಿಂಗ್ಗಾಗಿ ಪ್ರತ್ಯೇಕ ವೆಚ್ಚ ವಿಧಿಸುವುದಿಲ್ಲ ಅಂತ ಪೂಜಾ ಸ್ಪಷ್ಟಪಡಿಸಿದ್ದಾರೆ..
ತಾಂತ್ರಿಕ ಆಯಾಮ ಹಾಗೂ ಆಶಯಗಳು:
ಸ್ಟೋರ್ಮೋರ್ ತನ್ನ ನೆಟ್ವರ್ಕ್ ಪ್ರದೇಶಗಳಲ್ಲಿ ಬೇರೆ ಬೇರೆ ಘಟಕಗಳಲ್ಲಿ ಶೇಖರಿಸುವ ವ್ಯವಸ್ಥೆಯನ್ನೂ ಗ್ರಾಹಕರಿಗೆ ನೀಡಿದೆ.. ಬಳಕೆದಾರರು ಲಾಗಿನ್ ಆಗಿ ಶೇಖರಣಾ ವೆಚ್ಚ ಹಾಗೂ ಸೌಕರ್ಯಗಳನ್ನು ತಿಳಿದುಕೊಳ್ಳುವ ಸೌಲಭ್ಯವಿದೆ.. ಹೊಟೇಲ್ಗಳಲ್ಲಿ ಉಳಿದುಕೊಳ್ಳಲು ರೂಂ ಬುಕ್ ಮಾಡುವಂತೆ ಗ್ರಾಹಕರು ಈ ಶೇಖರಣಾ ಘಟಕಗಳನ್ನೂ ಬುಕ್ ಮಾಡಿ ತಮಗಿಷ್ಟ ಬಂದಷ್ಟು ದಿನ ತಮ್ಮ ಸಾಮಗ್ರಿಗಳನ್ನು ಸೇಫ್ ಆಗಿ ಇಟ್ಟುಕೊಳ್ಳಬಹುದಾಗಿದೆ.. ಇದಕ್ಕಾಗಿ ಗ್ರಾಹಕರು ತಮ್ಮ ವಸ್ತುಗಳನ್ನು ಮನೆಯಲ್ಲಿ ಅಥವಾ ಕಚೇರಿಗಳಲ್ಲಿ ಇಟ್ಟುಕೊಳ್ಳಬಹುದಾದಷ್ಟು ಭದ್ರವಾಗಿ ಇಡಲು ಸ್ಥಳ ಹಾಗೂ ಉಳಿದ ಸೌಕರ್ಯಗಳನ್ನು ಸ್ಟೋರ್ಮೋರ್ನಲ್ಲಿ ಒದಗಿಸಿಕೊಡಲಾಗಿದೆ ಅನ್ನುತ್ತಾರೆ ಪೂಜಾ..
ಗೃಹಬಳಕೆ ಹಾಗೂ ಬಿಸಿನೆಸ್ಗೆ ಸಂಬಂಧಪಟ್ಟ ವಸ್ತುಗಳನ್ನು ಸಂಗ್ರಹಿಸುಡುವ ಶೇಖರಣಾ ಘಟಕಗಳ ಬಾಡಿಗೆ ನೀಡುವ ಈ ಉದ್ಯಮವನ್ನು ಮತ್ತಷ್ಟು ವಿಸ್ತಾರವಾಗಿ, ವಿಶಾಲವಾಗಿ ಅಭಿವೃದ್ಧಿಪಡಿಸಬೇಕು ಅನ್ನುವುದು ಸ್ಟೋರ್ಮೋರ್ ಸಂಸ್ಥೆಯ ಮಹತ್ವಾಕಾಂಕ್ಷೆಯಾಗಿದೆ.. ಗ್ರಾಹಕರಿಗೆ ಸುಲಭ ಹಾಗೂ ಸರಳ ಅನುಕೂಲ ಹಾಗೂ ಭಾರತದಾದ್ಯಂತ ತನ್ನ ನೆಟ್ವರ್ಕ್ ಅಭಿವೃದ್ಧಿಪಡಿಸುವುದು ಈ ಮೂಲಕ ಸ್ಟೋರಿಂಗ್ ಉದ್ಯಮಕ್ಕೆ ಹೊಸ ಆಯಾಮ ನೀಡುವುದು ಸಹ ಇದರ ಆದ್ಯತೆಯಾಗಿದೆ.. ಇನ್ನು ವೇರ್ಹೌಸಿಂಗ್ ಇಂಡಸ್ಟ್ರಿಯ ದಿಕ್ಕನ್ನು ಬದಲಾಯಿಸಿ ರಾಷ್ಟ್ರದ ಆರ್ಥಿಕತೆಗೆ ವ್ಯಾಖ್ಯಾನ ಬರೆಯುವ ಕನಸು ಪೂಜಾರದ್ದಾಗಿದೆ..
