ಪ್ಲಾಸ್ಟಿಕ್ಗೆ ಗುಡ್ಬೈ ಹೇಳಿದ ಸ್ಯಾನ್ಫ್ರಾನ್ಸಿಸ್ಕೋ
ಟೀಮ್ ವೈ.ಎಸ್. ಕನ್ನಡ
ಪ್ಲಾಸ್ಟಿಕ್ ಪರಿಸರವನ್ನು ಅದೆಷ್ಟರ ಮಟ್ಟಿಗೆ ಹಾಳು ಮಾಡಿದೆ ಅಂದ್ರೆ, ಮನುಕುಲವೇ ಪ್ಲಾಸ್ಟಿಕ್ ವಿರುದ್ಧ ಸಿಡಿದು ನಿಲ್ಲುವ ದಿನ ದೂರವಿಲ್ಲದಂತೆ ಆಗಿದೆ. ಈಗಾಗಲೇ ಪ್ಲಾಸ್ಟಿಕ್ ವಿರುದ್ಧ ಜನಜಾಗೃತಿ ಆರಂಭವಾಗಿದೆ. ಆದ್ರೆ ಅಮೆರಿಕಾದ ಸ್ಯಾನ್ಫ್ರಾನ್ಸಿಸ್ಕೋದಲ್ಲಿ ಪ್ಲಾಸ್ಟಿಕ್ ಚೀಲಗಳಿಗೆ ಮಾತ್ರವಲ್ಲ, ಪ್ಲಾಸ್ಟಿಕ್ ಬಾಟಲ್ಗಳಿಗೂ ನಿಷೇಧ ಹೇರಲಾಗಿದೆ.
ಪ್ಲಾಸ್ಟಿಕ್ ಮಣ್ಣಿನಲ್ಲಿ ಕರಗುವುದಿಲ್ಲ. ಅಷ್ಟೇ ಅಲ್ಲ ಇದು ಅಜೈವಿಕ. ಒಂದುವೇಳೆ ಪ್ಲಾಸ್ಟಿಕ್ನ್ನು ಸುಟ್ರೆ, ಟಾಕ್ಸಿಕ್ ಮೂಲಕ ಪರಿಸರವನ್ನು ಹಾಳುಮಾಡುತ್ತಿದೆ. ಹಸಿ ಮಣ್ಣಿನ ಜೊತೆ ಬೆರೆಸಿದ್ರೆ ಅಮೋನಿಯ ಗ್ಯಾಸ್ನ್ನು ರಿಲೀಸ್ ಮಾಡಿ, ಹಸಿರು ಮನೆ ಪರಿಣಾಮದ(Greenhouse effect) ವೇಳೆ ಮಿಥೇನ್ ಜೊತೆ ಸೇರಿಕೊಂಡು ಕೆಟ್ಟವಾಸನೆಯನ್ನು ಹರಡುತ್ತದೆ.
ಇಕೋ ವಾಚ್ ವರದಿ ಪ್ರಕಾರ ಅಮೆರಿಕನ್ನರು ಪ್ರತೀ ವರ್ಷ 35 ಬಿಲಿಯನ್ ಪ್ಲಾಸ್ಟಿಕ್ ವಾಟರ್ ಬಾಟಲ್ಗಳನ್ನು ಬಳಸಿ ಎಸೆಯುತ್ತಾರೆ. ಪ್ರತೀ ವರ್ಷ ಇದು ಹೆಚ್ಚಾಗುತ್ತಲೇ ಇದೆ. ಒಂದು ಲೆಕ್ಕಾಚಾರದ ಪ್ರಕಾರ ಅಮೆರಿಕನ್ನರು ಎಸೆಯುವ ಪ್ಲಾಸ್ಟಿಕ್ ಬಾಟಲಿಗಳಿಂದಲೇ ಸುಮಾರು 4 ಬಾರಿ ಭೂಮಿಗೆ ಬೇಲಿ ಹಾಕುವಷ್ಟು ತ್ಯಾಜ್ಯ ಉತ್ಪತ್ತಿಯಾಗುತ್ತಿದೆ. ಕಳೆದ 1 ದಶಕದಲ್ಲಿ ಉತ್ಪತ್ತಿಯಾದ ಪ್ಲಾಸ್ಟಿಕ್ ತ್ಯಾಜ್ಯಗಳು, ಕಳೆದ ಒಂದು ಶತಮಾನದಲ್ಲಿ ಉತ್ಪತ್ತಿಯಾದ ಪ್ಲಾಸ್ಟಿಕ್ ತ್ಯಾಜ್ಯಗಳ ಸಂಗ್ರಹಕ್ಕೆ ಸಮವಾಗಿದೆ.
ಇದನ್ನು ಓದಿ: ಆರೋಗ್ಯದ ಹಿಂದಿದೆ ಮೇಕೆ ಹಾಲಿನ ರಹಸ್ಯ..!
ಈಗಾಗಲೇ ಪ್ಲಾಸ್ಟಿಕ್ ನಿಷೇಧದ ಬಗ್ಗೆ ತೀವ್ರ ಚರ್ಚೆಗಳು ನಡೆಯುತ್ತಿದೆ. ರಾಂಡ್ವಾ, ಎರಿಟ್ರಿಯಾ, ಕೀನ್ಯಾ, ಮೌರಿಷಿಯಸ್, ತಾಂಜ್ಹಾನಿಯಾ, ಚೀನಾ, ತೈವಾನ್ ಮತ್ತು ಮಸೆಡೊನಿಯಾ ದೇಶಗಳಲ್ಲಿ ಪ್ಲಾಸ್ಟಿಕ್ನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ಇನ್ನು ಕೆಲವು ದೇಶಗಳಲ್ಲಿ ಈ ಬಗ್ಗೆ ಭಾರೀ ಚರ್ಚೆಯೂ ನಡೆಯುತ್ತಿದೆ. ಇಂದಲ್ಲ ನಾಳೆ ಪ್ಲಾಸ್ಟಿಕ್ಗಳಿಗೆ ಹಲವು ದೇಶಗಳು ಗುಡ್ ಬೈ ಹೇಳೋದು ಖಚಿತ.
ಪ್ಲಾಸ್ಟಿಕ್ ನಿಷೇಧದ ಬಗ್ಗೆ ಚರ್ಚೆ ನಡೆಯುತ್ತಿರುವಾಗಲೇ ಸ್ಯಾನ್ಫ್ರಾನ್ಸಿಸ್ಕೋ ಒಂದು ಹೆಜ್ಜೆ ಮುಂದೆ ಹೋಗಿದೆ. ಅಲ್ಲಿ ಎಲ್ಲಾ ತರಹದ ಪ್ಲಾಸ್ಟಿಕ್ ಬಳಕೆಯನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. 2020ರ ಹೊತ್ತಿಗೆ ಸ್ಯಾನ್ಫ್ರಾನ್ಸಿಸ್ಕೋದಲ್ಲಿ ಪ್ಲಾಸ್ಟಿಕ್ ತ್ಯಾಜ್ಯ ಇರಲೇಬಾರದು ಅನ್ನೋ ಕಡೆ ಹೆಜ್ಜೆ ಇಡಲಾಗಿದೆ.
“ ಪರಿಸರ ಹಾನಿ ವಿರುದ್ಧ ಸಾನ್ಫ್ರಾನ್ಸಿಸ್ಕೋ ಮೊದಲ ಹೆಜ್ಜೆ ಇಡುತ್ತಿದೆ. ಬದಲಾಗುತ್ತಿರುವ ವಾತಾವರಣವನ್ನು ಉಳಿಸಿಕೊಳ್ಳುವ ಬಗ್ಗೆ ದೊಡ್ಡ ಪ್ರಯತ್ನಗಳು ನಡೆಯುತ್ತಿದೆ. ಸಾನ್ಫ್ರಾನ್ಸಿಸ್ಕೊ ಅದನ್ನು ಮುನ್ನಡೆಸಲಿದೆ. ಪ್ಲಾಸ್ಟಿಕ್ ವಸ್ತುಗಳ ಬಳಕೆಯನ್ನು ತಗ್ಗಿಸುವ ಕೆಲಸಕ್ಕೆ ನೀವು ಸಹಕರಿಸಿ”
- ಡೇವಿಡ್ ಚ್ಯು
ಒಟ್ಟಿನಲ್ಲಿ ಪ್ಲಾಸ್ಟಿಕ್ ಬಳಕೆ ಬಗ್ಗೆ ಈ ಹಿಂದೆಯೇ ಸಾಕಷ್ಟು ಎಚ್ಚರಿಕೆಗಳನ್ನು ನೀಡಿದ್ದರೂ, ಅದ್ರ ಬಗ್ಗೆ ಯಾರೂ ಹೆಚ್ಚು ತಲೆ ಕೆಡಿಸಿಕೊಂಡಿರಲಿಲ್ಲ. ಆದ್ರೆ ಪರಿಸ್ಥಿತಿ ಹೀಗೇ ಮುಂದುವರಿದರೆ ಉಳಿಗಾಲವಿಲ್ಲ ಅನ್ನೋದು ಗೊತ್ತಾಗುತ್ತಲೇ ಪ್ಲಾಸ್ಟಿಕ್ ಹೆಮ್ಮಾರಿಯನ್ನು ನಿಷೇಧಿಸಲು ಕಾರ್ಯತಂತ್ರ ನಡೆಯುತ್ತಿದೆ.
1. ಟೇಸ್ಟಿ "ಟೀ" ಮ್ಯಾಜಿಕ್- ಒಂದೇ ಕಪ್ ಚಹಾದಲ್ಲಿ ಸಿಗುತ್ತೆ ಉತ್ಸಾಹದ ಕಿಕ್..!
2. ಮೆಡಿಕಲ್ಗೆ ಹೋಗೋ ಚಿಂತೆ ಬಿಟ್ಟುಬಿಡಿ- ಆನ್ಲೈನ್ನಲ್ಲೇ ಆರ್ಡರ್ ಮಾಡಿ
3. ಮನಸ್ಸಿದ್ದರೆ ಮಾರ್ಗ- ಕುಡಿಯುವ ನೀರಿನ ಸಮಸ್ಯೆ ಮೆಟ್ಟಿನಿಂತ ಸೋಮಾಪುರ
