ಟ್ರಾಫಿಕ್ ಬಗ್ಗೆ ಟೆನ್ಷನ್ ಬಿಟ್ಟುಬಿಡಿ- ಹೊಸ ಸಾರಿಗೆ ವ್ಯವಸ್ಥೆಗೆ ಯೋಜನೆ ರೂಪಿಸಿದೆ ಬಿಬಿಎಂಪಿ
ಟೀಮ್ ವೈ.ಎಸ್. ಕನ್ನಡ
Tuesday May 16, 2017,
2 min Read
ಸಿಲಿಕಾನ್ ಸಿಟಿ ಬೆಂಗಳೂರಿನ ಟ್ರಾಫಿಕ್ ಸಮಸ್ಯೆ ಬಗ್ಗೆ ಎಲ್ಲರಿಗೂ ಗೊತ್ತಿದೆ. ಒಂದೆರಡು ಕಿಲೋಮೀಟರ್ಗಳ ಪ್ರಯಾಣವೇ ಕೆಲವೊಮ್ಮೆ ಸಾಕಪ್ಪಾ, ಸಾಕು ಅನ್ನುವಷ್ಟರ ಮಟ್ಟಿಗೆ ಟ್ರಾಫಿಕ್ ಸಮಸ್ಯೆ ಇರುತ್ತದೆ. ಇನ್ನು ಪ್ರತಿನಿತ್ಯ ಕಿಲೋಮೀಟರ್ ಗಟ್ಟಲೆ ಪ್ರಯಾಣ ಮಾಡುವ ಬೆಂಗಳೂರಿಗರ ಪರಿಸ್ಥಿತಿ ಹೇಗಿರಬಹುದು ಅನ್ನೋದನ್ನ ನೀವೇ ಊಹಿಸಿಕೊಳ್ಳಿ. ಬೆಂಗಳೂರಿನ ಟ್ರಾಫಿಕ್ ನಿಯಂತ್ರಣಕ್ಕೆ ಸರಕಾರ ಸಾಕಷ್ಟು ಸರ್ಕಸ್ಗಳನ್ನು ಮಾಡುತ್ತಿದೆ. ಹೊಸ ಹೊಸ ಯೋಜನೆಗಳನ್ನು ರೂಪಿಸಿದೆ. ಆದ್ರೆ ಫಲಿತಾಂಶದಲ್ಲಿ ಮಾತ್ರ ಏರುಪೇರಾಗಿಲ್ಲ. ಟ್ರಾಫಿಕ್ ಸಮಸ್ಯೆ ಬಗೆಹರಿದಿಲ್ಲ.
ಬೆಂಗಳೂರಿಗರ ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಈಗ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಮುಂದಾಗಿದೆ. ಬಿಬಿಎಂಪಿ ಪರ್ಸನಲ್ Rapid ಟ್ರಾನ್ಸಿಟ್ ಸಿಸ್ಟಮ್ ಅಥವಾ Pod Taxis ಪ್ಲಾನಿಂಗ್ ಮಾಡಲು ಚಿಂತನೆ ನಡೆಸಿದೆ. ಈ ಮೂಲಕ ಐಟಿ ಕ್ಯಾಪಿಟಲ್ ನಲ್ಲಿರುವ ಟ್ರಾಫಿಕ್ ಸಮಸ್ಯೆಗೆ ಪರಿಹಾರ ಹುಡುಕುವ ಯತ್ನದಲ್ಲಿದೆ. ಸಾರ್ವಜನಿಕ ಸಾರಿಗೆ ವ್ಯವಸ್ಥೆಯಾಗಲಿರುವ ಪಿಆರ್ಟಿ ಕೇಬಲ್ ಕಾರು ಸ್ವರೂಪದಲ್ಲಿ ಇರಲಿದೆ. ಈ ವ್ಯವಸ್ಥೆ ಮೂಲಕ ಒಂದು ಪ್ರದೇಶದಿಂದ ಮತ್ತೊಂದು ಪ್ರದೇಶಕ್ಕೆ ಪ್ರಯಾಣಿಕರನ್ನು ಕೊಂಡೊಯ್ಯಬಹುದು.
“ ಬೆಂಗಳೂರು ನಗರಕ್ಕಾಗಿ ಈ ಯೋಜನೆಯನ್ನು ರೂಪಿಸಲಾಗಿದೆ. ಈ ಯೋಜನೆ ಅಧಿಕೃತವಾಗಿ ಚಾಲನೆಗೊಂಡ ಆರು ತಿಂಗಳ ಒಳಗೆ ಪ್ರಯಾಣಿಕರ ಪ್ರಯಾಣಕ್ಕೆ ಸಿಗಲಿದೆ. ಕೆಲವು ಆಯ್ದ ಪ್ರದೇಶಗಳಲ್ಲಿ ಮಾತ್ರ ಈ ಸೇವೆ ಆರಂಭವಾಗುವುದರಿಂದ ಹಲವರಿಗೆ ಇದರ ನೆರವು ಸಿಗಲಿದೆ. ಈಗಾಗಲೇ ಹಲವು ಕಂಪನಿಗಳು ಈ ಯೋಜನೆ ಬಗ್ಗೆ ಆಸಕ್ತಿ ವಹಿಸಿವೆ. ಆಟೋ ರಿಕ್ಷಾಕ್ಕಿಂತ ಕಡಿಮೆ ದರದಲ್ಲಿ ಸೇವೆ ಒದಗಿಸುವ ಕನಸಿದೆ. ”
- ಮಂಜುನಾಥ್ ಪ್ರಸಾದ್, ಬಿಬಿಎಂಪಿ ಕಮಿಷನರ್
ನಗರದ ವಿವಿಧ ಭಾಗಗಳಲ್ಲಿ ಈ ವ್ಯವಸ್ಥೆ ಆರಂಭವಾಗಲಿದ್ದು, ಒಟ್ಟು ಆರು ಹಂತಗಳಲ್ಲಿ ಸುಮಾರು 35.5 ಕಿಲೋಮೀಟರ್ ವ್ಯಾಪ್ತಿಯಲ್ಲಿ ಪಿಆರ್ಟಿ ವ್ಯವಸ್ಥೆ ಇರಲಿದೆ. ಕೇಬಲ್ ಕಾರ್ ರೀತಿಯ ವಾಹನ ಇದಾಗಿದ್ದು, ಸಂಪೂರ್ಣವಾಗಿ ಆಟೋಮೆಟಿಕ್ ವ್ಯವಸ್ಥೆಯನ್ನು ಹೊಂದಿರಲಿದೆ. ಅಷ್ಟೇ ಅಲ್ಲ ಕೆಲವೇ ಕೆಲವು ಪ್ರಯಾಣಿಕರನ್ನು ಮಾತ್ರ ಇದು ಹೊತ್ತೊಯ್ಯಬಲ್ಲದು.
ಎಲ್ಲಿಂದ ಎಲ್ಲಿಗೆ..?
ಮೊದಲ ಹಂತ: ಎಂ.ಜಿ. ರೋಡ್ ಮೆಟ್ರೋ ಸ್ಟೇಷನ್ನಿಂದ, ಲೀಲಾ ಪ್ಯಾಲೇಸ್ ಜಂಕ್ಷನ್- ಒಟ್ಟು 4 ಕಿಲೋ ಮೀಟರ್ ದೂರ
2ನೇ ಹಂತ: ಲೀಲಾ ಪ್ಯಾಲೇಸ್ ಜಂಕ್ಷನ್ನಿಂದ ಮಾರತಹಳ್ಳಿ ಜಂಕ್ಷನ್- 6 ಕಿಲೋಮೀಟರ್ ದೂರ
3ನೇ ಹಂತ: ಮಾರತ ಹಳ್ಳಿ ಜಂಕ್ಷನ್ನಿಂದ ಇಪಿಐಪಿ ವೈಟ್ಫೀಲ್ಡ್ , 6.5 ಕಿಲೋಮಿಟರ್ ದೂರ
4ನೇ ಹಂತ: ಎಂ.ಜಿ.ರೋಡ್ ಮೆಟ್ರೋ ಸ್ಟೇಷನ್ನಿಂದ ಕೋರಮಂಗಲ, ಏಳು ಕಿಲೋಮೀಟರ್ ದೂರ
5ನೇ ಹಂತ: ಜಯನಗರ 4ನೇ ಹಂತದಿಂದ ಜೆ.ಪಿ.ನಗರ 6ನೇ ಹಂತದ ತನಕ- 5.3 ಕಿಲೋಮೀಟರ್ ದೂರ
6ನೇ ಹಂತ: ಸೋನಿ ಜಂಕ್ಷನ್ನಿಂದ ಇಂದಿರಾನಗರ ಮೆಟ್ರೋ ಸ್ಟೇಷನ್ ತನಕ- 6.7 ಕಿಲೋಮೀಟರ್ ದೂರ
ಈ ಕೇಬಲ್ ಕಾರ್ ವ್ಯವಸ್ಥೆಯೂ ಸಂಪೂರ್ಣವಾಗಿ ಸೊಲಾರ್ ಶಕ್ತಿಯಿಂದ ನಡೆಯಲಿದೆ. ಮೆಟ್ರೋಗಿಂತ ಕಡಿಮೆ ಖರ್ಚು, ಕಡಿಮೆ ಸಮಯ ಹಾಗೂ ಕಡಿಮೆ ಸ್ಥಳಾವಕಾಶದಲ್ಲಿ ಇದನ್ನು ಮಾಡಬಹುದು. ಅಷ್ಟೇ ಅಲ್ಲ ಕೇವಲ ಆರರಿಂದ 8 ತಿಂಗಳ ಒಳಗೆ ಪ್ರಾಜೆಕ್ಟ್ ಸಂಪೂರ್ಣಗೊಳ್ಳಲಿದೆ. ಒಟ್ಟಿನಲ್ಲಿ ಬೆಂಗಳೂರಿನ ಸಂಪರ್ಕ ವ್ಯವಸ್ಥೆಗೆ ಮತ್ತೊಂದು ಸಾರಿಗೆ ವ್ಯವಸ್ಥೆ ಸೇರಿಕೊಳ್ಳಲಿದೆ.
1. ಊರಿನ ಜನರೆಲ್ಲಾ ಒಂದಾದ್ರು- ಕಲುಷಿತಗೊಂಡಿದ್ದ ನದಿಯನ್ನು ಶುಚಿಗೊಳಿಸಿದ್ರು..!
2. ಸೊಲಾರ್ ಉತ್ಪನ್ನಗಳಿಗೆ ಮಾರುಕಟ್ಟೆಯ ಸೃಷ್ಟಿ- ಭವಿಷ್ಯದ ಕನಸು ಕಾಣ್ತಿದೆ "ಸೊಲ್ಟ್ರಿಕ್ಸ್"
3. ಸಿಲಿಕಾನ್ ಸಿಟಿಯಲ್ಲಿ ಟ್ರಾಂಪೋಲಿನ್ ಟ್ರೆಂಡ್- ಬೆಂಗಳೂರಿನಲ್ಲಿದೆ ಅತಿ ದೊಡ್ಡ ಪ್ಲೇ ಸ್ಟೇಷನ್..!