ಗುಜರಾತ್ನಲ್ಲಿದೆ ದೇಶದ ಮೊತ್ತಮೊದಲ ಕ್ಯಾಶ್ಲೆಸ್ ಟೌನ್ಶಿಪ್
ಟೀಮ್ ವೈ.ಎಸ್. ಕನ್ನಡ
ಕ್ಯಾಶ್ಲೆಸ್ ವ್ಯವಹಾರಕ್ಕೆ ಕೇಂದ್ರ ಸರ್ಕಾರ ಹೆಚ್ಚು ಪ್ರೋತ್ಸಾಹ ನೀಡುತ್ತಿದೆ. ಡಿಜಿಟಲ್ ಇಂಡಿಯಾದ ಕನಸು ದಿನದಿಂದ ದಿನಕ್ಕೆ ದೊಡ್ಡದಾಗುತ್ತಿದೆ. ಭಾರತದ ಪ್ರತಿಯೊಂದು ಗ್ರಾಮಗಳು ಕೂಡ ಪ್ರಧಾನಿ ನರೇಂದ್ರ ಮೋದಿಯ ಕನಸನ್ನು ನನಸು ಮಾಡಲು ಶ್ರಮ ಪಡುತ್ತಿವೆ. ಈಗ ಗುಜರಾತ್ನ ನರ್ಮದಾ ವ್ಯಾಲಿ ಫರ್ಟಿಲೈಸರ್ಸ್ ಮತ್ತು ಕೆಮಿಕಲ್ಸ್ (GNFC) ಟೌನ್ಶಿಪ್ನ ಸರದಿ. ಭರೂಚ್ ಜಿಲ್ಲೆಯಲ್ಲಿರುವ GNFC ದೇಶದ ಮೊತ್ತಮೊದಲ ಕ್ಯಾಶ್ಲೆಸ್ ಟೌನ್ಶಿಪ್ ಅನ್ನುವ ಹೆಗ್ಗಳಿಕೆ ಪಡೆದುಕೊಂಡಿದೆ. GNFCಯಲ್ಲಿರುವ 10000ಕ್ಕೂ ಅಧಿಕ ಜನರು ಕ್ಯಾಶ್ ವ್ಯವಹಾರದ ಬದಲು, ಕ್ಯಾಶ್ಲೆಸ್ ವ್ಯವಹಾರದ ಕಡೆಗೆ ಹೆಚ್ಚು ಮನಸ್ಸು ಮಾಡಿದ್ದಾರೆ.
ಗುಜರಾತ್ ಮುಖ್ಯಮಂತ್ರಿ ವಿಜಯ್ ರುಪಾನಿ GNFCಯನ್ನು ದೇಶದ ಮೊದಲ ಕ್ಯಾಶ್ಲೆಸ್ ಟೌನ್ಶಿಪ್ ಅಂತ ಘೋಷಿಸಿದ್ರು. ಅಷ್ಟೇ ಅಲ್ಲ ಶೀಘ್ರದಲ್ಲೇ ಇಂಡಿಯಾ ಡಿಜಿಟಲ್ ಆಗಲಿದೆ ಅನ್ನುವ ಭರವಸೆಯನ್ನು ವ್ಯಕ್ತಪಡಿಸಿದ್ರು. ಗುಜರಾತ್ನಿಂದಲೇ ಇತಿಹಾಸ ಆರಂಭವಾಗುತ್ತಿರುವುದಕ್ಕೆ ಸಂತಸ ವ್ಯಕ್ತಪಡಿಸಿದ್ರು.
“ GNFC ಟೌನ್ಶಿಪ್ ದೇಶದ ಮೊದಲ ಕ್ಯಾಶ್ಲೆಸ್ ಟೌನ್ಶಿಪ್. GNFCಯ ಜನರು ತೆಗೆದುಕೊಂಡಿರುವ ನಿರ್ಧಾರ ನನಗೆ ಸಂತೋಷ ನೀಡಿದೆ. ದೇಶದ ಇನ್ನುಳಿದ 180 ಟೌನ್ಶಿಪ್ಗಳು ಕೂಡ ಶೀಘ್ರದಲ್ಲೇ ಕ್ಯಾಶ್ಲೆಸ್ ವ್ಯವಹಾರದ ಕಡೆ ಗಮನ ಕೊಡಲಿವೆ. ಗುಜರಾತ್ ರಾಜ್ಯದ ಭರೂಚ್ ಜಿಲ್ಲೆಯ GNFC ಐತಿಹಾಸಿಕ ಹೆಜ್ಜೆ ಇಟ್ಟಿದೆ.”
- ವಿಜಯ್ ರೂಪನಿ, ಗುಜರಾತ್ ಮುಖ್ಯಮಂತ್ರಿ
GNFCಯಲ್ಲಿ ವಾಸ ಮಾಡುತ್ತಿರುವ ಜನರು ಇಡೀ ದೇಶಕ್ಕೆ ಮಾದರಿ ಆಗಿದ್ದಾರೆ. GNFCಯ ಜನರು ಶಾಪಿಂಗ್ ಸೆಂಟರ್, ಶಾಲೆ, ಕಾಲೇಜು, ಆಸ್ಪತ್ರೆ, ಸ್ಟೇಡಿಯಂ,ಲಾಂಡ್ರಿ, ಟೀ ಸ್ಟಾಲ್ ಹೀಗೆ ಎಲ್ಲಾ ಕಡೆಯಲ್ಲೂ ನಗದು ವ್ಯವಹಾರ ಮಾಡುವ ಬದಲು ಕ್ಯಾಶ್ಲೆಸ್ ವ್ಯವಹಾರ ಮಾಡುತ್ತಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿಯವರ ಡಿಜಿಟಲ್ ಇಂಡಿಯಾದ ಕನಸನ್ನು ಈ ಮೂಲಕ ನನಸು ಮಾಡಲು ಜನ ಶ್ರಮಿಸುತ್ತಿದ್ದಾರೆ.
ಇದನ್ನು ಓದಿ: ಒಂದೇ ಕ್ಲಿಕ್- ಒಂದೇ ಮೆಸೇಜ್- ನಿಮ್ಮ ಮನೆ ಬಾಗಿಲಲ್ಲೇ ಇರುತ್ತೆ ತರಕಾರಿ ವ್ಯಾನ್..!
ಇತ್ತೀಚೆಗೆ ಅರೇಬಿಯಮ್ ಸಮುದ್ರದಲ್ಲಿರುವ ಚಿಕ್ಕ ಕೇಂದ್ರಾಡಳಿತ ಪ್ರದೇಶ ದಮನ್ ಅಂಡ್ ದಿಯು ದೇಶದ ಮೊದಲ ಕ್ಯಾಶ್ಲೆಸ್ ರೀಜನ್ ಅನ್ನುವ ದಾಖಲೆ ಬರೆದಿತ್ತು. ಅಲ್ಲಿನ ಸ್ಥಳೀಯ ಆಡಳಿತ ಫ್ರೀ ವೈ-ಫೈ ವ್ಯವಸ್ಥೆಯನ್ನು ಕೂಡ ಮಾಡಿಕೊಟ್ಟಿತ್ತು. ಕಳೆದ 45 ದಿನಗಳಲ್ಲಿ ಈ ಪ್ರದೇಶದಲ್ಲಿ ಸುಮಾರು 32000 ಟೂರಿಸ್ಟ್ಗಳು 3500 ಜಿ.ಬಿ ಡೇಟಾವನ್ನು ಉಪಯೋಗಿಸಿದ್ದಾರೆ. ಸ್ಥಳೀಯ ಆಡಳಿತದ ಈ ಕ್ರಮವನ್ನು ಸಾಕಷ್ಟು ಜನರು ಹಾಡಿ ಹೊಗಳಿದ್ದರು. ಸರ್ಕಾರದ ಡಿಜಿಟಲ್ ಇಂಡಿಯಾ ಮತ್ತು ಇ-ಟ್ರಾನ್ಸ್ಆ್ಯಕ್ಷನ್ ಕನಸಿಗೆ ಇದು ದೊಡ್ಡ ವಿಶ್ವಾಸ ಕೂಡ ತುಂಬಿತ್ತು.
ಗುಜರಾತ್ನ ಸಬರಕಾಂತ್ ಜಿಲ್ಲೆಯ ಅಕೋಡರಾ ಈಗಾಗಲೇ ದೇಶದ ಮೊತ್ತಮೊದಲ ಡಿಜಿಟಲ್ ಗ್ರಾಮ ಅನ್ನುವ ಖ್ಯಾತಿಯನ್ನು ಪಡೆದುಕೊಂಡಿದೆ. ಅಹ್ಮದಾಬಾದ್ನಿಂದ ಕೇವಲ 90 ಕಿಲೋಮೀಟರ್ ದೂರದಲ್ಲಿರುವ ಅಕೋಡಾ ಕ್ಯಾಶ್ಲೆಸ್ ವ್ಯವಸ್ಥೆಯಿಂದಾಗಿ, ನೋಟ್ ಬ್ಯಾನ್ ಆದ ಬಳಿಕವೂ ಸಹಜ ಸ್ಥಿತಿಯಲ್ಲೇ ಇತ್ತು. ದೇಶ ಡಿಜಿಟಲೀಕರಣವಾಗುತ್ತಿರುವುದು ಶಿಕ್ಷಣ ಸೇರಿದಂತೆ ಹಲವಾರು ವಿಷಯಗಳಲ್ಲಿ ಉನ್ನತಿ ಸಾಧಿಸಲು ನೆರವಾಗಲಿದೆ.
1. ಬಾಹ್ಯಾಕಾಶದ ಮೇಲೆ ಹೆಜ್ಜೆಯಿಡಲಿದ್ದಾಳೆ ಗಗನಯಾತ್ರಿ: ಶವ್ನಾ ಪಾಂಡ್ಯಾ ಭಾರತದ ಹೆಮ್ಮೆಯ ಪುತ್ರಿ
2. ಮಹಿಳೆಯರ ಒಳಿತಾಗಿ ಎದ್ದು ನಿಂತ ನಾರಿಯರು- "ಸ್ಕಿಲ್ ಶ್ರೀ"ನಿಂದ ಹೆಣ್ಣುಮಕ್ಕಳ ಜೀವನಕ್ಕೆ ಶ್ರೀಕಾರ
3. “ಪಂಕ್ಚರ್ ಪ್ಲಾನರ್”ಗಳಿಗೆ ಪಾಠ ಕಲಿಸಿದ ಎಂಜಿನಿಯರ್- ರಸ್ತೆಯಿಂದ ಮೊಳೆ ಹೆಕ್ಕಿದ ಸಾಧಕ..!
